Dansiundirvísing til børn, ung og vaksin.

Dansiskúlin byrjaði sítt virksemi í 2013, og í løtuni bjóða vit dansiundirvísing til yvir 140 glaðar dansarar hvørja viku.

Í Apríl 2018 fingu vit nýtt høli, og er tað tí gjørligt hjá okkum at bjóða nógv fleiri lið enn áðrenn. Okkara nýggja høli er í Jóannesar Paturssonargøtu 30 í kjallaranum (við síðunar av har Sendistovan var fyrr/nú Jarðfeingi).

Nýggju hølini hóska sera væl til mátan vit ynskja dansiundirvísingin skal fara fram. Vit leggja dent á at hava smá lið, við einum ávísum lítlum tali av dansarum á hvørjum liði. Hetta ger, at dansilærarin hevur meira tíð til hvønn einstakan næming. Soleiðis megnar dansilærarin á bestan hátt at eggja og hjálpa hvørjum næmingi at menna seg rørsluliga á tí støðinum sum hesin er á. Tí eru flestu liðini eisini fyri øll, bæði roynd, og tey sum ongantíð hava dansa fyrr. 

Ymiskt tiltøk eru gjøgnum árið, har øll kunnu luttaka. Vit hava okkara fittu, stóru árligu framsýning, foreldradagar, dansi disko, vinardagar og mangt annað. Eisini er gjørligt hjá øllum dansarum í skúlaaldri at vera við í einstaklinga dansikappingum og dansipróvtøkum.

Ymiskt: